Rusia raportoi të sot numrin më të lartë të rasteve ditore me Covid-19 , pasi situata me pandeminë po përkeqësohet në vend. Autoritetet raportuan rekordin ditor prej 34,303 rastesh.
Rekord ditur regjistruan dhe viktimat. Vetëm në 24 orë në Rusi humbën jetën mbi 1 mijë persona. Sa i përket imunizimit, në Rusi ëshhtë vaksinuar plotësisht kundër koronavirusit më pak se një e treta e popullsisë.
Por Kremlini nuk i është drejtuar një bllokimi kombëtar, për të shmangur pasojat në ekonomi, duke deleguar përgjegjësinë për kufizimet tek autoritetet lokale, raporton Euroneës.
Në shumë qytete të mëdha, bizneset mbeten të hapura dhe jeta e përditshme vazhdon si zakonisht. Ndërsa zonat më të zhvilluara dhe të urbanizuara të vendit janë më të prekura nga epidemia, madje edhe rajoni i vogël i populluar siberian i Sakha dhe Chukotka në ekstremin verilindor kanë shkallë të lartë rastesh.
