Presidenti i Serbisë, Aleksandar Vuçiq, deklaroi sot se kishte vërejtje dhe bisedime jozyrtare, pas deklaratës së tij se “një faktor i huaj ishte përfshirë në ngjarjet në veri të Kosovës javën e kaluar dhe se ai nuk mund të fliste më saktë”.
Ai tha se kërkoi nga partnerët perëndimorë që të mos mbështesin siç i quajti “lëvizje të tilla të njëanshme dhe të papërgjegjshme nga Kosova”, raporton Tanjug.
“Kishte vërejtje dhe biseda jozyrtare, por më mjaftoi që t’u them njerëzve që vetëm të lexojnë deklaratat e tyre, se ata nuk kanë pse të dëgjojnë atë që thashë”, transmeton Klankosova.tv.
Me këtë deklaratë, shefi i shtetit serb iu referua aksionit të së mërkurës në veri kundër kontrabandës me mallra, aksion ky që u zhvillua edhe në disa të lokacione të tjera të Kosovës.
