Ata janë aktorët më të famshëm në Turqi, por me rolet e tyre kanë fituar zemrat e audiencës në shumë vende të botës. Serialet turke arritën të thyenin rekorde shikueshmërie edhe në trojet shqiptare.
Ajo që është me interesantja është fakti që shumë nga aktorët më të njohur në Turqi janë me origjinë shqiptare.
Kivanç Tatlitug, aktori shumë i suksesshëm, i njohur ndryshe si Brad Pitt i Turqisë, ka pranuar në një intervistë se babai i tij është me origjinë nga Prishtina. Kivanç është i njohur për rolet e tij në serialet “Dashuri e Ndaluar”, “Kuzey dhe Guney”, “Menekshe dhe Halil” etj.
Halit Ergenç, njihet nga të gjithë si “Sulejmani i Madhërishëm”. Pak kohë më parë ai ka pranuar se origjina e tij është nga Shqipëria.
“Mund të them me gojën plot se në damarët e mi ka gjak shqiptari”, ka thënë aktori në një intervistë.
Can Yaman është një nga aktorët më të përfolur, jo vetëm në shtetin turk, por edhe në Europë, Itali dhe Spanjë, ku ka patur një numër të roleve në seriale si “Zog i hershëm”, “Hëna e Plotë”, etj.
Ai ka pranuar se të dy gjyshërit e tij janë me origjinë shqiptare.
Engin Altan Dyzyatan, aktori shumë i përfolur në Turqi, por që u bë shumë i famshëm edhe në Shqipëri me rolin e tij kryesor në serialin “Ertugrul” ka deklaruar në mediat turke se ka lidhje me Shqipërinë, pasi prejardhja e tij është shqiptare.
Nuretin Sonmez është emri i vërtetë i aktorit që luan rolin e Bamsi, të cilin e kemi parë tek “Ertugrul”. Në një intervistë televizive ai ka pranuar se ka origjinë shqiptare, shkruan klan tv.
Baris Arduç është aktori që u pëlqye me shikim të parë. Ai na u prezantua në serialin “Dashuri me Qira”. Baris, përveçse ka deklaruar se është me origjinë shqiptare nga ana e të atit, flet shumë bukur edhe shqipen.
