Bashkëshortja e Rexhep Selimit, Shqipe Mehmeti-Selimi njëherit edhe deputet e Lëvizjes Vetëvendosje i është drejtuar drejtorit të Policisë, Samedin Mehmetit me pyetjen se a ka ofruar dëshmi Policia te Gjykata Specialja lidhur me mbrojtjen për lirimin me kusht të ish-krerëve të UÇK-së, raporton InLajmi.
Mehmeti mënjëherë i është përgjigjur duke thënë se kjo pyetje duhet t’i bëhet Dhomave të Specializuara.
“Besoj që opinioni publik tashmë e di se na janë bë kërkesat nga avokatët mbrojtës dhe ne i kemi adresua kërkesat nga avokatët mbrojtës ndërsa pyetjet rreth Dhomave të Specializuara kisha pasë dëshirë me ua bë Dhomave të Specializuara”.
Bashkëshortja e Selimi vazhdojë të insistoi duke kërkuar sqarime nga drejtori i Policisë.
“Po mendoj që Dhomat e Specializuara kanë kërkua që me ofrua dëshmi se çfarë kushtesh dhe dëshmi keni për të ofrua mbrojtjen e lirimit me kusht”.
Prapë Mehmeti tha përgjigjen e njëjt se kjo kjo çështje i’u takon Dhomave të Specializuara, por shtoi se informatat për kapacitete e Policisë tashmë i kanë dërguar në Hagë.
“Avokatët mbrojtës kanë bë kërkesa për kushtet e lirimit me kusht. Ne kemi dërgua kapacitetin dhe aftësinë tonë dhe mundësinë tonë për me sigurua lirimin me kusht, sa i përket çështjes rreth Dhomave të Specializuara, kisha pasë qejf me na kursye për shkak se ato i takojnë Dhomave të Specializuara, jo neve”. /InLajmi/
