Kandidati i PDK-së për komunëne Prizren, Shaqir Totaj ka bërë të ditur se me disa nga kandidatët për asamble komunale kanë takuar klubin e atletikës “Lidhja e Prizrenit”, përcjell InLajmi.
Totaj ka shkruar se vajzat e djemtë e klubit të atletikës janë kampionët e krenaria e qytetit.
Ai gjithashtu ka thënë se puna e pa ndalur e arritjet e shumta të tyre meritojnë përkrahjen e organeve komunale.
Tutje kandidati i PDK-së për Prizren ka shkruar se si ish-sportist e menaxher i klubeve të qytetit, i njeh problemet e sfidat me të cilat përballet sporti ynë.
Postimi i plotë i tij:
Së bashku me Kushtrim Çoçaj, Jenuz Kolloni, Elona Hoxha dhe Resmi Kryeziu, kandidatët tanë për Asamble, takuam klubin e atletikës “Lidhja e Prizrenit” që drejtohet nga trajneri i suksesshëm, Bajram Duja. Vajzat e djemtë e klubit të atletikës janë kampionët e krenaria e qytetit. Kupat e medaljet e fituara janë histori e suksesit të sportit prizrenas. Puna e pa ndalur e arritjet e shumta të tyre meritojnë përkrahjen e organeve komunale.
Si ish-sportist e menaxher i klubeve të qytetit, unë i njoh problemet e sfidat me të cilat përballet sporti ynë. Prandaj zotohem se si kryetar i ardhshëm i Prizrenit do të jem gjithnjë pranë sportistëve tanë duke i ndihmuar e përkrahur financiarisht drejt arritjeve të reja. Bashkë do ta rikthejmë lavdinë e sportit të Prizrenit. /InLajmi/
