Kryeministri në detyrë, Ramush Haradinaj, ka përkujtuar sot 14 anëtarët e Forcave të Armatosura Britanike, që humbën jetën gjatë shërbimit me forcat e NATO-s në Kosovë.
Përmes një postimi në rrjetin social të tij në Facebook, Haradinaj tha se liria e popullit tonë është ndërtuar në themelet e sakrificës dhe flijimit.
Postimi i plotë i tij:
“Sot, me respektin e përjetshëm, përkujtojmë 14-të anëtarët e Forcave të Armatosura Britanike, që humbën jetën gjatë shërbimit me forcat e NATO-s në Kosovë. Liria e popullit tonë, është ndërtuar në themelet e sakrificës dhe flijimit. Në këtë rrugëtim, miqtë dhe aleatët tanë ishin përkrah nesh. Kosova përherë do të nderoj sakrificën deri në flijim, për liri e demokraci!”, ka shkruar Haradinaj./InLajmi
