Gjatë ditës së enjte në mes Kosovës dhe Serbisë u arrit marrëveshja për de-përshkallëzimin e situatës në mes të 2 vendeve.
Për këtë kryeministri i Kosovës, Albin Kurti, tregoi se në Serbi targave të Republikës së Kosovës do të ju mbulohet simboli shtetëror dhe që në mënyrë të njëjtë do të veprohet me targat e Serbisë në shtetin tonë.
Partia Demokratike e Kosovës e kritikoi qeverinë që ra dakord që KFOR-i të kujdeset për sigurinë në pikat kufitare në Jarinje e Bërnjak.
Kryetari i Aleancës për Ardhmërinë e Kosovës, Ramush Haradinaj, tha se njëjtësimi i tërheqjes së grupeve kriminale me tërheqjen e njësive speciale të policisë së Kosovës është ofendim.
Sipas Lidhjes Demokratike të Kosovës asnjë tiketë dhe asnjë masë nuk e mbulon gabimin e rëndë që qeveria e ka bërë, njofton Klan Kosova.
Për këtë marrëveshje reagoi edhe kryetari i PSD-së, Dardan Molliqaj, që sipas tij logjika është ajo e ndarjes etnike e territoriale, rruga është trajtim i segmentuar marrëveshje pas marrëveshjes.
