Masat e reja kundër COVID-19 të cilat kanë hyrë në fuqi ditën e sotme, në Pejë duket se po respketohen. Kështu të paktën po e sheh inspektorja e Agjencisë së Ushqimit dhe Veterinarisë, Orgela Zukaj.
“Masat po respektohen 98 përqind nga qytetarët, mund të themi që po respektohet maksimalisht, por nuk ka përjashtime, do të gjobitet ai që i shkel ato”, ka thënë Zukaj.
Sipas Zukajt, për pronarët e lokaleve të cilët i shkelin masat e reja do t’u mbyllen ato.
“Për shkelësit recidivë ata që edhe pas shqiptimit të gjobave nuk i respektojnë vendimet e qeverisë dhe masave anti-COVID shkojmë me mbyllje të përkohshme të lokalit dhe shqiptim të gjobave. Shqiptim të gjobave ka gjithmonë për ata që nuk i respektojnë vendimet e qeverisë”, ka shtuar ajo.
Kujtojmë se sipas masave të reja të hyra sot në fuqi, parashihet që ata që hyjnë në lokale të kenë certifikatë të vaksinimit ose një test negativ.
