Ministria e Drejtësisë se pasi që ka pranuar shumë kërkes për hapjen e konkursit për noterë ka njoftuar publikuan se pa përfunduar procesi për vendimin mbi anulimin e provimit të noterisë sipas tyre një gjë e tillë është e pamundur, përcjell InLajmi.
Nga Ministria e Drejtësisë kanë thënë se nuk kanë informacion se në çafrë faze të trajtimit janë këto lëndë, por apelojmë që gjykata të veprojë sa më parë.
Gjithash është bërë e ditur se aktualisht janë 57 noterë në tërë territorin e Republikës së Kosovës, ndërsa në 15 komuna nuk ka noterë.
Njoftimi i plotë nga Ministria e Drejtësisë:
Për shkak të kërkesave të mëdha që kemi pranuar lidhur me hapjen e konkursit për noterë të rinj, Ministria e Drejtësisë njofton opinionin publik se përderisa Vendimin mbi anulimin e provimit të noterisë, palët e pakënaqura e kanë kontestuar në Gjykatë, pa përfunduar ky proces Ministria e Drejtësisë, edhe përkundër vullnetit për të hapur konkurs sa më parë, një gjë e tillë aktualisht është e pamundur.
Ministria e Drejtësisë nuk ka informacione se në çfarë faze të trajtimit janë këto lëndë, por apelojmë që gjykata të veprojë sa më parë. Kjo është shumë e rëndësishme edhe për nevojat e qytetarëve por edhe për të ndaluar monopolin dhe për të qenë në përputhje me ligjin për noterinë.
Aktualisht janë 57 noterë në tërë territorin e Republikës së Kosovës, ndërsa në 15 komuna nuk ka noterë.
Në këto komuna Ministria e Drejtësisë ka caktuar ushtrues detyre të noterit me qëllim të ofrimit të shërbimeve për qytetarët e Republikës së Kosovës.
Shumë prej qytetarëve janë ankuar për shkak të distancës fizike me noterët që ushtrojnë detyrën për komunat përkatëse por kjo është e vetmja zgjidhje që kemi për momentin. /InLajmi/
