Shërbimi Spitalor Klinik i Kosovës, ka njoftuar se do të rikthehen operacionet jo emergjente në klinikat e QKUK-së, përcjell InLajmi.
Përmes një postimi në faqen zyrtare të SHSKUK-së, është njoftuar se operacionet do të rikthehen që nga data 27 Shtator, e hënë.
SHSKUK, ka bërë thirrje për vaksinim dhe respektim të masave ndaj koronavirusit.
Njoftimi i plotë i SHSKUK-së:
ShSKUK rikthen operacionet jo emergjente
Nga data 27 shtator ( e hënë), Shërbimi Spitalor Klinik Universitar i Kosovës do të rikthej operacionet jo emergjente ( elektive) në të gjitha klinkat e Qendrës Klinike Universitare të Kosovës dhe në spitalet e përgjitshhme.
Rikthimi i operacioneve jo emergjente vjen pas uljes së numrit të rasteve të spitalizuara me COVID-19, si në klinikat e QKUK-së, ashtu edhe në spitalet e përgjithshme.
Ju bëjmë thirrje të gjithë pacientëve dhe qyetarëve të Republikës së Kosovës të respektojnë masat anti-covid dhe të vaksinohen./InLajmi/
