Policët i arrestojnë në mes të rrahjes sulmuesit që e goditën me grushte e shqelma një vajzë në Pejë
Një burrë dhe një grua rrahin një vajzë në Pejë, kështu shihet në një video.
Policia e Kosovës në rajonin e Pejës ka thënë për Gazetën Express se 2 persona janë arrestuar, ndërsa viktima është dërguar në spital për trajtim.
Arrestimi i 2 personave shihet edhe në videon e dërguar nga një lexues.
“Rreth orës 14:00 në rrugën Nëna Tereza në Pejë, Policia ka hasur në një rrahje e cila ishte në progres, Ka arrestuar dy persona, viktima është dërguar në spital. Rasti nga Prokurori është cilësuar si lëndim i lehtë. Dy persona janë dërguar në mbajtje”, tha zëdhënësi i Policisë në Pejë, Fadil Gashi.
