Ministria e Arsimit të talebanëve ka ftuar të gjithë nxënësit meshkuj të klasave 6 deri në 12 dhe mësuesit meshkuj që të rifillojnë mësimet në të gjithë Afganistanin, duke filluar nga e shtuna, transmeton InLajmi.
Deklarata e publikuar në Facebook, nuk përfshinte ftesë për në shkollë për vajzat e asaj moshe, ndërsa mungesa e udhëzimeve nxori në pah shqetësimet e vazhdueshme se talebanët mund të vendosnin kufizime për vajzat dhe gratë.
Që nga marrja e pushtetit muajin e kaluar, talebanët i kanë lejuar vajzat e klasave të para deri në 6-të të rifillonin mësimet.
Kur ata sunduan Afganistanin më parë në vitet 1990, talebanët u kishin ndaluar vajzave dhe grave të ndiqnin shkollën dhe punën, shkruan AP.
Në disa nga krahinat, gratë ende nuk lejohen të vazhdojnë punën e tyre, me përjashtim të grave që janë duke punuar në departamente shëndetësore, spitale dhe arsim./InLajmi/
