Një dhomë karikimi pa tel është zhvilluar nga shkencëtarët që mund të japë energji përmes ajrit në çdo laptop, tablet ose telefon pa pasur nevojë për priza ose kabllo, transmeton InLajmi.
Sipas ekipit nga Universiteti i Tokios, teknologjia e re përfshin gjenerimin e fushave magnetike në distanca më të gjata pa prodhuar fusha elektrike që do të rezultonin të dëmshme për çdo person ose kafshë brenda dhomës.
Sistemi, i cili është testuar në një dhomë të vetme, por është ende në fillimet e tij, mund të japë deri në 50 vat energji pa tejkaluar udhëzimet aktuale për ekspozimin e njerëzve në fushat magnetike, shpjeguan autorët e studimit.
Mund të përdoret për të ngarkuar me energji çdo pajisje me një spirale teli të instaluar brenda.
Përveç heqjes së paketave të kabllove të karikimit nga tavolinat, ekipi thotë se mund të lejojë që më shumë pajisje të automatizohen plotësisht pa pasur nevojë për porte, priza ose kabllo.
Sistemi aktual përfshin një shtyllë në qendër të dhomës për të lejuar që fushat magnetike të “arrijnë çdo cep”.
Studiuesit nuk thanë se sa mund të kushtojë teknologjia sepse është ende shumë herët në zhvillim dhe ‘vite larg’ nga të qenit në dispozicion të publikut, përcjell DailyMail.
Por kur të jetë, mund të rindërtohet në një ndërtesë ekzistuese ose të integrohet në një ndërtesë krejt të re, me ose pa shtyllën qendrore përçuese./InLajmi/
