Muhaxheri ka thënë se prokurorja e Pejës është avancuar në pozitë për të shërbyer për agjenda politike.
Kryetari aktual i Pejës i cili është përsëri në garë për një mandat të ri, Gazmend Muhaxheri ka thënë se për të kryer punët në nivelin lokal 2 mandate nuk mjaftojnë.
Kandidati i LDK-së për kryetar të Pejës në “Debat Plus” ka folur edhe për arrestimet e disa drejtorëve komunal në komunën e Pejës.
Ai thotë se të gjitha këto janë shantazh në prag të zgjedhjeve.
“Është tendencë për të bërë presion politik apo për të bërë skandal”, ka deklaruar Muhaxheri.
I pari i Pejës thotë se zyrtarët janë hetuar për 13 muaj dhe nuk ka pasur nevojë për arrestime me njësi speciale.
Ai ka hedhur akuza ndaj prokurores së Pejës për agjenda politike.
“Kjo që po ndodh është ndërhyrje direkte e prokurorisë në politikë”.
Muhaxheri thotë se ka një sulm të koordinuar ndaj tij në prag të zgjedhjeve lokale, përcjell Telegrafi.
“Nuk ka asnjë logjikë që në vend të drejtësisë të bëhen arrestime spektakolare si në kohën e Millosheviqit”, tha ndër të tjera Gazmend Muhaxheri
