Tesla po ndërton një robot humanoid të quajtur Tesla Bot, transmeton InLajmi.
Roboti do të përdorë të njëjtën inteligjencë artificiale që përdor kompania e makinave elektrike për automjetet e saj, do të jetë afërsisht 173 centimetra i gjatë , me një peshë rreth 57 kg dhe do të ndërtohet nga “materiale të lehta” me një ekran në trupin e tij që tregon informacione.
Musk thotë se roboti “ka për qëllim të jetë miqësor dhe të lundrojë nëpër një botë të ndërtuar për njerëzit”, por do të ndërtohet në një “nivel mekanik”.
Faqja e internetit të Tesla-s, thotë se qëllimi i robotit është të kryej punë që janë “të pasigurta, të përsëritura ose të mërzitshme”, të tilla si të shkosh në një dyqan dhe të marrësh sende ushqimore.
“Në thelb, në të ardhmen, puna fizike do të jetë një zgjedhje. Nëse doni ta bëni atë, mundeni, por nuk keni nevojë ta bëni atë”, tha Musk.
Gjatë viteve të fundit, Musk ka paralajmëruar vazhdimisht për pasojat e inteligjencës artificiale dhe robotëve, shkruan The Independet.
Por tani, përveç raketave me SpaceX dhe makinave elektrike Tesla, Musk po zhvillon gjithashtu lidhjen neurale, një çip që lidh trurin direkt me kompjuterin, për të cilin ai shpreson se do të lejojë “simbiozën e njeriut-AI”./InLajmi/
