Policia e Kosovës në fshatin Cërnushë të Mitrovicës, sot rreth orës 16:10 ka arrestuar një person të dyshuar për zjarrvënie, përcjell InLajmi.
Kështu ka njoftuar Policia e Kosovës, përmes një njoftimi.
“Sot, me datë 04.08.2021 rreth orës 16:10, policia në Mitrovicë ka pranuar një informatë se në fshatin Cërnushë të Mitrovicës është një zjarr aktiv.
Njësia patrulluese ka shkuar në atë lokacion dhe kanë identifikuar vendin ku ishte ndezur zjarri në punishten e një gurthyesi në atë fshat.
Është njoftuar njësia e zjarrfikësve të cilët kanë dalë në vendin e ngjarjes dhe kanë arritur që ta shuajnë zjarri”, njofton tutje, Policia.
E i dyshuari, i cili kishte shkaktuar ndezjen e zjarrit është arrestuar dhe është shoqëruar në Stacionin e Policisë për intervistim.
Ndryshe, në lidhje me rastin është njoftuar prokuroi kujdestar i cili ka udhëzuar që ndaj të dyshuarit S. H, 32 vjeçar, shtetas kosovar, të iniciohet rasti “ Shkaktim i rrezikut të përgjithshëm”, ndërsa hetimet për këtë rast vazhdojnë në procedurë të rregullt”. /InLajmi/
