Policia e Kosovës ka njoftuar se ditën e sotme, në magjistralen Hani i Elezit-Kaçanik, një autobus i Novi Pazarit është përfshirë nga flakët, përcjell InLajmi.
Nga policia u njoftua se shkaqet e zjarrit nuk janë zbuluar ende, ndërsa nga autobusi kanë dalë pa lëndime shoferi bashkë me pasagjerët.
Rasti është konfirmuar nga zëdhënësi i Policisë për rajonin e Ferizajt, Kanun Veseli.
“Sot rreth 09:30 një autobus me targa të huaja i cili po qarkullonte nga Hani Elezit në drejtim Kaçanikut, posa arrin tek vendi “Kulla me qeshmë” për shkaqe tani për tani të panjohura, përfshihet nga flaka . Pas kësaj ndalon skaj rrugës dhe të gjithë pasagjerët dhe drejtuesi i autobusit arrijnë të dalin jashtë dhe nuk ka asnjë të lënduar”, tha Veseli./InLajmi/
