Policia e Kosovës ka njoftuar se është arrestuar një person i cili dyshohet për zjarrëvënie, përcjell InLajmi.
Sipas policisë janë angazhuar intensivisht në hetimin e shkaktarëve të zjarreve dhe ndaj atyre personave që shkaktojnë zjarrëvënie të qëllimshme.
Dhe pas këtyre angazhimeve si rezultat i hetimeve dhe veprimeve të shpejta, kanë arrestuar një person të dyshuar për zjarrëvënie afër varrezave në fshatin Babimovc të Obiliqit.
Njoftimi i plotë nga Policia e Kosovës pa ndërhyrje:
Arrestohet personi i dyshuar, i cili dyshohet për zjarrvënie
Referuar situatës dhe rrethanave të krijuara nga zjarret, Policia e Kosovës është angazhuar intensivisht në hetimin e shkaktarëve të zjarreve dhe ndaj atyre personave që shkaktojnë zjarrvënie të qëllimshme.
Si rezultat i hetimeve dhe veprimeve të shpejta, sot patrullat policore kanë arrestuar si të dyshuar një person, të cilit me urdhër të prokurorit i është iniciuar rasti si zjarrvënie, mbi dyshimin e bazuar për një zjarrvënie afër varrezave në fshatin Babimovc të Obiliqit.
Policia e Kosovës vazhdon të ju bëjë apel të gjithë qytetarëve të Kosovës që të mos i djegin hapësirat fushore hamulloret, në të kundërtën Policia e Kosovës do të jetë e pa kompromis ndaj zjarrvënieve të qëllimshme apo nga neglizhenca. /InLajmi/
