Një fshat simpatik i Kosovës, që ruan të gjitha traditat, vlerat dhe kulturat bujqësore
Fshati Brus gjendet në zonën më të thellë të komunës së Lipjanit. Shumë fshatra në Kosovë kanë ndryshuar në aspektin e traditave dhe kulturave bujqësore.
Por, fshati Brus ende ruan traditat dhe kulturat bujqësore, duke bërë të duket një fshat simpatik si për nga pamja ashtu edhe për nga ruajtja e vlerave.
Pamje nga fshati i bukur me natyrë mbresëlënëse
Jemi mësuar të dëgjojmë dy karakteristika shumë interesante të këtij fshati ku të gjithë banorët kanë mbiemrin Gashi, dhe kanë dy fe, islamin dhe krishtërizmin.
Sipas gojëdhënave, fshati është ngritur prej tre vëllezërve të cilët kanë përqafuar besime të ndryshme fetare, mirëpo edhe pse u takojnë dy feve, toleranca ndërfetare respektohet shumë, por Albinfo.ch kësaj radhe nuk do të ndalet në këtë aspekt, por do të përshkruaj disa veçori që na zgjojnë nostalgji dhe kujtime të bukura të jetës në fshat.
Shtëpitë dhe kisha në fshatin Brus
Jeta në fshat, natyra, ajri i pastër, kullosat e lopëve, kalërimi me kuajtë e bukur, ushqimet e shëndetshme bio, mos qarkullimi i shumtë i makinave e bëjnë që fshati Brus të jetë një mrekulli në vete, duke ruajtur me fantaizëm këto vlera, që po thuajse në gjithë Kosovën janë shuar.
Në gjuhën popullore, quhet “trinë” (derë mes natyrës së gjelbëruar)
Vlen të theksohet se fshati Brus ka shtëpi të vjetra mbi 200 vjet.
Velja e kashtave në stinën e verës, sigurim i ushqimit për kafshët gjatë dimrit dhe “kulla” shtëpitë gati 200-vjeçare
Po ashtu, punëtorët e këtij fshatit janë të zotë, nuk ka familje në fshat që nuk ka ndonjë arë, lopë, kuaj apo pula.
Kullosat dhe lopa
Prodhimi i thëngjillit dhe shitja e tij është profesioni i vetëm i shumicës së banorëve të Brusit. Në këtë fshat ka 30 furra të posaçme, në të cilat drurët digjen duke u shndërruar në thëngjill për skarë, shkruan albinfo.ch.
Kalërimi dhe kryerja e shumë punëve me kuaj
Në fakt, jetesa në fshat ka disa gjëra, që vetëm njerëzit që jetojnë në të mund t’i kuptojnë dhe t’i përshkruajnë.
