Princi Harry ka shkruar një libër shpërthyes kujtimesh për jetën e tij në familjen mbretërore i cili do të dalë në rafte gjatë vitit të ardhshëm.
Duka i Sussex, 36 vjeçar, kishte punuar fshehurazi për librin prej gati një viti, të cilin më pas ia ka shitur shtëpisë botuese ‘Penguin Random House’
Ai ka punuar me shkrimtarin fitues të Pulitzer, J. R. Moehringer, duke u bërë i pari princ që ka shkruar për herë të parë një libër të tillë.
“Jam thellësisht mirënjohës për mundësinë për të treguar atë që kam mësuar gjatë jetës time deri më tani dhe jam i ngazëllyer që njerëzit të lexojnë një tregim të dorës së parë të jetës time që është i saktë dhe plotësisht i vërtetë”, është shprehur ai.
Drafti i parë i dorëshkrimit, aktualisht pa titull, thuhet se është shkruar pothuajse plotësisht duke qenë se afatin e fundit e ka për muajin tetor.
Të ardhurat e marrëveshjes ka të ngjarë të jenë në vlerë milionëshe, megjithëse asgjë konkrete në këtë drejtim nuk është bërë e ditur, shkruan dailymail.
Ndërkaq, paratë e mbledhura nga shitja e këtij libri, sipas shtëpisë botuese, Princ Harry do t’i dhurojë për bamirësi, përcjell Klankosova.tv.
