Udhëtarët vaksinuar plotësisht që kthehen në Angli dhe Uells nga Franca do të duhet të karantinohen.
Nga 19 korriku, të rriturit që janë vaksinuar 2 herë në Mbretërinë e Bashkuar dhe vijnë nga vendet me rrezikshmëri të ultë nuk do të kenë nevojë të izolohen për 10 ditë.
Por qeveria tha se lehtësimi nuk do të vlente për Francën për shkak të rasteve “të vazhdueshme” të variantit Beta, të identifikuar së pari në Afrikën e Jugut.
Ka shqetësime se vaksinat mund të mos funksionojnë aq mirë kundër variantit Beta
Rreth 3.4% e rasteve të regjistruara në Francë në 4 javët e fundit ishin varianti Beta, sipas GISAID, një bazë të dhënash globale me burim të hapur
Varianti më infektues Delta – i identifikuar së pari në Indi – përbën pothuajse të gjitha rastet e reja në Britani të Madhe
Njoftimi i qeverisë do të thotë se kushdo që ka qenë në Francë në 10 ditët e mëparshme do të duhet të karantinohen pas arritjes në Angli dhe do të ketë nevojë për një provë 2 ditore, pavarësisht nga statusi i tyre i vaksinimit, shkruan bbc.
Kjo përfshin çdo individ plotësisht të vaksinuar.Udhëtarët nga Franca do të kenë akoma mundësinë të shkurtojnë periudhën e karantinës përmes skemës Test to Release – nëse paguajnë për një test në ditën e 5 dhe janë negativ, përcjell Telegrafi.
Ndryshe, Mbretëria e Bashkuara gjatë ditës së kaluar ka regjistruar mbi 50 mijë raste të reja me koronavirus, e cila gjë është për herë të parë në 6 muajt e fundit.
