I pari i Aleancës për Ardhmërinë e Kosovës, Ramush Haradinaj ka zyrtarizuar Agron Gashi, si kandidatin për kryetar të komunës së Dragashit, përcjell InLajmi.
Sipas Haradinaj Dragshi është komunë malore, me shumëllojshmëri të bimëve mjekësore dhe është vend i përshtatshëm për zhvillimin e turizimit dhe te blegtorisë.
Sipas Haradinaj programi i Aleancës dhe njerëzit e saj që do e zbatojnë këtë program, janë garanci e ndryshimit për këtë komunë.
Postimi i plotë i tij:
Aleanca synon të ofrojë ndryshim në qeverisjen komunale në Dragash.
Agron Gashi nga Brezna, punëtor i arsimit, i njohur për sinqeritetin dhe afërsinë e tij me qytetarët, do të jetë kandidat për kryetar të komunës së Dragashit.
Kjo komunë malore, me shumëllojshmëri të bimëve mjekësore dhe aromatike e me potenciale të shumta natyrore, është vendi më i përshtatshëm në rajon për zhvillimin e blegtorisë por edhe turizmit.
Dragashi ka nevojë për zhvillim ekonomik, investime të përbashkëta publiko-private që këto resurse të jenë në shërbim të rritjes së mirëqenies së qytetarit.
Programi i Aleancës dhe njerëzit e saj që do e zbatojnë këtë program, janë garanci e ndryshimit për këtë komunë.
Suksese e Fitore!
RH /InLajmi/
