Policia e Kosovës ka njoftuar se një person ka rënë nga lartësia ku punonte në Prishtinë në rrugën “Sylejman Vuçitërna”, përcjell InLajmi.
Rasti është bërë i ditur për Gazetën InLajmi, nga zëdhënësi i Policisë për rajonin e Prishtinës, Agron Borovci, i cili ka thënë se personi i cili ka rënë nga lartësia është 44 vjeç dhe ka qenë duke kryer punë në një objekt.
Tutje Borovci ka thënë se 44 vjeçari ka pësuar lëndime ku menjëherë është dërguar në QKUK për tretman mjekësor.
“Rasti ka ndodhur rreth orës 17:45 në rrugën “Sylejman Vuçitërna” në Prishtinë. Viktima mashkull, 44 vjeç, përderisa ka qenë duke kryer punime në një objekt, ka rënë nga një lartësi dhe ka pësuar lëndime. I njëjti është dërguar në QKUK për trajtimin e nevojshë mjekësor”, ka deklaruar Borovci. /InLajmi/
