Vlora Çitaku, ish-ambasadore e Kosovës në SHBA, ka reaguar pas vendimit për shkarkimin e Vlora Hysenit nga pozita e zëvendësdrejtoreshës së Agjencisë së Kosovës për Inteligjencë, përcjell InLajmi.
Përmes një postimi në rrjetin e saj social Facebook, ajo këtë rast e ka cilësuar si një skandal dhe papërgjegjshmëri nga ana e Presidentes Osmani dhe Kryeministrit Kurti, duke shtuar se Vlora Hyseni ka merituar të trajtohet me respect dhe mirënjohje.
Çitaku e ka përfunduar shkrimin e saj duke thënë se kompetenca është shkalla më e lartë e besnikërisë.
Postimi i plotë i saj:
Më e pakta që mund të them për këtë rast është: skandal, paranojë, papërgjegjësi!
Të shkarkohet nga detyra një profesioniste e cila i ka shërbyer Agjencionit të Kosovës për Intelegjencë që nga themelimi, një profesioniste e cila ka zgjedhur të jetojë në anonimitet të plotë për t’i shërbyer atdheut, kjo është e rrezikshme.
Vlora Hysenin nuk po e njohim, dhe për shkak të rolit të saj, nuk do të duhej të ja njihnim punën. Por ne e njohim punën e AKI-së.
AKI ka marrë lavdata të vazhdueshme për punën e saj, dhe nga aleatët tanë trajtohet si partner i besueshmëm. Ky sukeses është edhe i zonjës Hyseni.
Vlora Hyseni ka merituar të trajtohet me respekt dhe mirënjohje. Në vend të falenderimit, Presidentja Osmani dhe Kryeministri Kurti e shkarkojnë pa asnjë arsye.
Një gjë duhet kuptuar, kompetenca është shkalla më e lartë e besnikërisë./InLajmi/
