Kryeministri i Kosovës Albin Kurti, është shprehur se nuk ka ndryshuar qëndrim sa i përket marrëveshjes së Washingtoni, raporton InLajmi.
Duke folur për dialogun me Serbinë, Kurti shtoi se arritja e një marrëveshjeje mes 2 vendeve varet nga Qeveria e Beogradit.
“Qëndrimet tona sa përket Ujmanit janë ato të njëjtat dhe detyra jonë thotë që duhet ta konsiderojmë ashtu siç është liqen artificial i Kosovës dhe nga Kosova, dhe unë natyrisht që do të marr të gjitha argumentet për qëndrimi tonë. Sa i përket marrëveshjes së Uashingtoni se pika e saj me e vlefshme është ajo e fundit. Sa i përket cilësimeve qe na vinë nga Beogradi ata janë përpjekur të na definojnë mirëpo kanë dështuar rregullisht mua nuk më kanë definuar as kur kam qenë i burgosur, kur se pranova gjyqin e tyre e lëre tash si kryeministër”.
“Kur do të ketë marrëveshje nuk varet vetëm prej meje por varet edhe prej Serbisë, andaj ne këtë kuptim besoj që duhet të kemi konsensus nacional se duhet ta forcojmë shtetin Kosovës, unë nuk i ndryshoj qëndrimet për njerëzit”.
I pyetur për vizitë në veri, ai u shpreh se po bëhen përgatitje.
“Për gjithçka po përgatitemi dhe nuk jemi në vitin e 4-të të qeverisjes por në ditën e 100 dhe Kosova do të jetë e pranishme gjithë andej”, përfundoi Kurti./InLajmi/
