Një gjykatë federale në Shtetet e Bashkuara i hodhi poshtë 2 padi kundër rrjetit social, Facebook, duke ndikuar që vlera e tij të arrijë në nivel rekord.
Gjykatësi James Boasberg vlerësoi se ankesa e Komisionit Federal të Tregtisë kundër rrjetit social është shumë e paqartë.
Një padi tjetër rreth konkurrencës, të dorëzuar nga disa shtete të SHBA-së, gjithashtu u hodh poshtë, sepse shkeljet e pretenduara kishin ndodhur shumë kohë më parë, shkruan BBC.
Pas këtyre vendimeve, vlera e aksioneve të Facebook-ut u rrit për 4.2% dhe vlera e kompanisë në treg për herë të parë shkoi në mbi 1 trilion dollarë, transmeton Gazeta Express.
Sa i përket padisë së 2-të, gjykatësi Boasberg tha se shtetet nuk kanë ofruar justifikim të arsyeshëm për atë se pse kanë pritur nga 6 deri në 8 vjet për të vendosur që ta padisin Facebook-un. Ai shtoi se shtetet kanë dështuar që të ofrojnë pretendime me fakte.
