Kryeministri i vendit ka reaguar në Kuvend pas fjalimit të u.d të kryetarit të PDK-së, Enver Hoxhaj, raporton InLajmi.
Kurti gjatë fjalmit ka thënë se se nuk mund të realizoj qëllimet dhe pritshmëritë e tij për dialogun Kosovë-Serbi.
“Kemi një problem themelorë, se disa që i dëgjova kanë fol për një seancë tjetër e jo për këtë seancë, se kjo seancë nuk është për dialogun pasi pika e rendit të ditës thotë ‘diskutim për ecurinë e deritanishme për procesin e dialogut me Serbinë. Nuk është në rend dite takimi i së martës”, tha ai.
Tutje Kurti ka thënë se çfarëdo platforme për dialogun e ri do të ishte gabim, para takimit me dialogun.
“Kjo seancë është që ne t’i nxjerrim mësimet tona për gabimet e juaja, diskutim për ecurinë e deritanishme. 10 vjet dialog të juajin duhet ta trajtojmë për të nxjerr mësim në të ardhmen. Javën e ardhshme do të jetë takim për dialogun e ardhshëm, nuk jam duke e vazhduar punën paraprake. Çfarëdo platforme për dialogun e ri do të ishte gabim , para takimit me dialogun. Kur e përpilon platformën e pranon dialogun. Prandaj ju keni bërë gabime. E kam trashëguar këtë gjendje”, u shpreh ai. /InLajmi/
