SHBA pas një kohe mjaft të gjatë, ka aprovuar një ilaç të ri kundër sëmundjes së kujtesës Alzajmer, transmeton InLajmi.
Ilaçi i quajtur Aducanumab, është trajtimi i ri për këtë sëmundje dhe ka në target shkaqet bazë që sjellin sëmundjen, më shumë se sa simptomat e saj.
Organizata të shumta bamirëse e kanë mirëpritur këtë lajm, por akoma shumë shkencëtarë kanë dyshime për përdorimin e tij.
Nga Administrata Amerikane e Ushqimit dhe Barnave është thënë se ka “prova thelbësore se Aducanumab zvogëlon pllakat beta amiloide në tru” dhe se kjo “ka mundësi të sjellë përfitime të rëndësishme për pacientët”, përcjell agjencia e lajmeve BBC.
Mendohet se më shumë se 30 milionë njerëz në të gjithë botën janë të prekur me Alzajmer dhe shumica prej tyre janë mbi 65 vjeç./InLajmi/
