Dukesha dhe Duka i Sussex, kanë mirëpritur fëmijën e tyre të dytë, një vajzë të cilën ata e kanë emëruar sipas Mbretëreshës Elizabeth dhe nënës së Harry-t, Princeshë Diana, transmeton InLajmi.
Vajza quhet Lilibet ‘Lili’ Diana Mountbatten-Windsor dhe ka lindur të premten në Spitalin Santa Barbara Cottage në Kaliforni. Kujtojmë se fëmija i parë i çiftit, Archie, lindi në vitin 2019.
Pas një viti mjaft të vështirë e me marrëdhënie të tensionuara midis çiftit dhe familjes mbretërore, përzgjedhja e emrit të vajzës sipas pseudonimit të Mbretëreshës, Lilibet, duket sikur do të zbusë pak situatën.
Sipas Reuters, lajmi është bërë i ditur nga Pallati Buckingham, në të cilin thuhet se Mbretëresha, babai i Harry- Princi Charles dhe vëllai dhe gruaja e tij, Princi William dhe Kate, ishin të lumtur me ardhjen e vajzës në jetë.
Ndërkohë, edhe kryeministri i Britanisë së Madhe, Boris Johnson i është bashkuar familjes mbretërore në urimet për lindjen e Lilibet, e cila do të rënditet si e 8-ta për në fronin mbretëror./InLajmi/