Shefi i grupit parlamentar të Aleancës për Ardhmërinë e Kosovës, Besnik Tahiri në emer të kësaj partie ka ngritur interpelancë ndaj ministrit të Financave, Punës dhe Transfereve, Hekuran Murati për çështjen e “Falja e gjobave bizneseve të prekura nga situara me koronavirus”, raporton InLajmi.
Tahiri gjatë fjalimit të tij në foltoren e Kuvendi të Kosovës ka thënë se është e qartë që gjobat e shqiptuara janë të ligjshme mbi mandatin nga Ligji për Menaxhimin e Pandemisë.
“Po e nisi fjalën duke thënë që për të gjithë ne është shume e qartë që gjobat e shqiptuara janë të ligjshme mbi mandatin nga Ligji për Menaxhimin e Pandemisë. Meqë periudha e pandemisë së paku aktualisht është nën kontroll, kemi hyrë në një fazë ku përveç shëndetit të qytetarëve edhe dëmet ekonomike dhe biznesore të shkaktuara nga pandemia”, ka thënë Tahiri.
Tahiri gjithashtu ka thënë se është shumë e pamundur që bizneset të shlyejnë borxhet.
“Është po aq e rëndësishme mënyra se si i qasemi këtyre efekteve në fazën afatshkurtër por edhe në baza të përditshme. Në radhë të parë është pamundësia që shumë biznese të shlyejnë këto borxhe. Disa rrezikojnë mbylljen e plotë. E dyta është rritja e shkallës së papunësisë. Shumë biznese nuk po mund që të operojnë në mënyrën e njëjtë tek të punësuarit”,deklaroi ai.
Tutje Tahiri kërkuar nga Qeveria e Kosovës që të mbështesin iniciativën e AAK-së.
“Rrezikon edhe të hyrat individuale dhe familjare të atyre që e humbin punën. Gjobat nuk kanë qenë të projektuara për të rritur buxhetin”, deklaroi ai.
“Vlerësojmë se pozicionimi krejtësisht jo parimor se falja e gjobave do të krijojë efektin e pabarazisë ,mendoj se është më tepër shmangie nga përgjegjësia. Konsiderojmë se falja e borxheve për bizneset do të ishte një hap pragmatik”, tha Tahiri.
“Kërkojë nga ju sot që të mbështesni iniciativën e AAK-së për faljen e gjobave të pandemisë”, tha ai. /InLajmi/
