Kylian Mbappe do të jetë njëri nga yjet e Euro 2020. Në një intervistë ai zbuloi diçka që e ka ndihmuar, që të bëhet njëri nga lojtarët më të mirë të Evropës.
Sulmuesi i Paris Saint-Germain është i mendimit se për të arritur majën duhet të jesh me një mendje të vetme në qasjen tënde dhe madje disa herë disi të dukesh arrogant.
“Në futbollin e nivelit të lartë, askush nuk do të bëjë vend për ty, e as nuk do të të thotë se je i aftë. Varet nga ju që ta bindni veten se jeni,” tha Mbappe në një intervistë.
“Egoja, dashuria për veten, nuk është vetëm një kapriço e yjeve. Është gjithashtu vullneti për të kapërcyer veten, për të dhënë më të mirën nga vetja. Sa herë jam në fushë, i them vetes,”Unë jam më i miri”.
Kur u pyet se si ai e sheh stilin e tij të lojës, Mbappe tha se e sheh veten në të gjitha pozitat e sulmit.
“Sulmuesi modern që mund të luajë kudo”, deklaroi Mbappe kur u pyet për të përshkruar stilin e tij të lojës, shkruan Esquire.
“Unë mendoj se CV-ja ime mund të flasë për mua. Unë kam luajtur vetëm në sulm, kam luajtur në të majtë dhe të djathtë. Me gjithë përulësi, nuk mendoj se u është dhënë të gjithëve mundësi për të ndryshuar pozicionin kështu çdo vit dhe të mbajnë performancën në nivelin më të lartë”, përcjell Reporteri.net.
“Unë kam arritur të punoj në pikat e mia të dobëta, por mbi të gjitha për të përsosur pikat e mia të forta, sepse gjithmonë më thuhej se do të ekzistosh përmes pikave të tua të forta”.
