Aktivisti i shoqërisë civile, Rron Gjinovci, ka komentuar rreth temës së fundit “se a ishte Kurti luftëtar i UÇK’së”, kjo për shkak se Rrustem Mustafa – Remi ditë më parë në medie tha se e Kurtin e kishte bashkëluftëtar.
Gjinovci në tha se ajo çfarë kanë bërë Demaçi e Kurti në qendër të Prishtinës ishte më e vështirë sesa ajo çka kanë bërë plot të tjerë larg kërcënimit fizik.
“Ajo çka ka thënë Remi është shumë e logjikshme. Për mua dhe për plot njerëz në Kosovë është shumë ma e vështirë me bo çka kanë bë Adem Demaçi e Albin Kurti në qendër të Prishtinës, sesa çka kanë bë plot njerëz të tjerë që kanë qenë megjithatë larg prej kërcënimit fizik. Këta kanë qëndruar në Prishtinë, në zyrën e UÇK-së në mënyrë publike, kanë mbajtur konferenca shtypi aty në emër të UÇK-së”, është shprehur Gjinovci, shkruan T7.
Tutje ai tha se ushtar është çdokush që kontribuon, e jo veç ai që e ka pushkën dhe helmetën, përcjell Metro
“Këta kanë qenë gjithë kohës të rrethuar me policët serbë, guximi i tyre është i jashtëzakonshëm. Nëse ju po mendoni se ushtar është vetëm ai që e mban pushkën dhe helmetën dhe gjuan ndonjëherë me pushkë, nuk është ushtar. Ushtar është çdokush që kontribuon”, shtoi Gjinovci.
