Kandidati për Kryetar të Istogut nga radhët e AAK-së, njëherësh deputet i Kuvendit të Kosovës nga ky subjekt politik, Bekë Berisha, ka treguar arsyet se pse ka vendosur të kandidojë për këtë pozitë.
“Istogu për mua është i rëndësishëm, është vendlindja ime. Unë jam përmbushur politikisht, jam zgjedhur tri herë deputet”, tha ai.
Tutje, sipas tij, arsyeja pse po kandidon është sepse dëshiron ta ndalojë dukurinë e ikjes së rinisë nga vendi.
“Kudo që kam marrë vota, kam qenë korrekt me votuesit e mi. Tash pasi Istogu nuk po funksionon si duhet, dua t’i ndaloj rininë të mos dalin jashtë sepse janë disa statistika ku tregojnë që 13.000 të rinj që kanë deponuar dokumentacione me ikë nga Kosova”, përcjell T7
E për të udhëhequr me Istogun ai tha se ka përvojë të mjaftueshëm.
“Kjo më bën që të shkoj atje dhe ta ngjalli ekonominë sepse Istogu ka potencial të madh. Kam potencial dhe përvojë të mjaftueshme për ta ngjallur Istogun”, tha Berisha.
