Ministri i Punëve të Brendshme, Xhelal Sveçla, përmes llogarisë së tij Facebok ka shkruar rreth vendimit në mbledhjen e sotme të Qeverisë së Kosovës, i cili sipas tij nuk ka të bëjë fare me mini-schengen, shkruan InLajmi.
Po, sipas tij ka të bëjë me nisma në kuadër të procesit të Berlinit në të cilat Kosova duhet të jetë palë e barabartë.
Tutje, Sveçla ka thënë se procesi i Berlinit është ide e nismë e kancelares Merkel, kurse zona mini-schengen është ide e presidentit serb, Vuçiq dhe mbështetet nga ai.
“Qeveria e Kosovës mbështet bashkëpunimin rajonal mbi bazën e barazisë dhe reciprocitetit mes palëve”, ka shkruar Sveçla .
Postimi i tij i plotë:
Vendimi në mbledhjen e sotme nuk ka të bëjë fare me mini-shengen, por ka të bëjë me nisma në kuadër të procesit të Berlinit në të cilat Kosova duhet të jetë palë e barabartë.
Procesi i Berlinit është ide dhe nismë e Kancelarës Merkel, kurse zona mini-shengen apo më saktë Novi Sad është ide e Vuciq dhe mbështetet nga ai.
Qeveria e Kosovës mbështet bashkëpunimin rajonal mbi bazën e barazisë dhe reciprocitetit mes palëve./InLajmi/
