Presidenti serb, Aleksandar Vuçiq ka folur rreth padisë së paralajmëruar për gjenocid ndaj Serbisë.
Vuçiq ka thënë se Kosova mund ta bëjë këtë vetëm përmes një shteti të tretë, Shqipërisë, e që kjo do të thoshte bashkim kombëtar.
“A mund ta kërcënoni Serbinë me procese gjyqësore për gjenocid? Ju mund ta bëni atë vetëm përmes një shteti tjetër, domethënë përmes Shqipërisë – kjo do të thotë bashkim me Shqipërinë. Unë u kërkoj shqiptarëve nga Kosova të mos e bëjnë atë”, thotë ndër të tjera Vuçiq.
Sipas tij, Serbia lehtë mund të arrijë një marrëveshje me të gjitha vendet në rajon, por që aktorët e huaj vazhdimisht duan të kufizojnë dhe të frenojnë Serbinë, shkruan Fakteplus.
Qeveria e Kosovës ka paralajmëruar se deri në fund të vitit 2022 do të bëjë padi në Gjykatën Ndërkombëtare për gjenocidin serb mbi shqiptarët në luftën e fundit.
