Ministrja e re e Drejtësisë, Albulena Haxhiu sot ka vizituar zyrtarët e kësaj ministrie me punën dhe angazhimin e të cilëve u njoftua më nga afër, përcjellë InLajmi.
Albulena Haxhiu përgëzoi stafin për punën e mëhershme duke marrë parasysh edhe situatën pandemike. Haxhiu ka thënë se do të bëhen përpjekje që shërbyesit civil të trajtohen në mënyrë të barabartë.
Postimi i plotë i Ministrisë së Drejtësisë:
Ministrja e Drejtësisë, Albulena Haxhiu, pas marrjes së detyrës, sot ka ritakuar zyrtarët e kësaj Ministrie, me punën dhe angazhimin e të cilëve u njoftua nga afër.
Ministrja Haxhiu e përgëzoj stafin për punën që kanë bërë, marrë parasysh situatën pandemike dhe njëherit ka ofruar përkrahjen e saj dhe bashkëpunim të vazhdueshëm për realizimin e aktiviteteve të parapara në Ministrinë e Drejtësisë. Po ashtu Ministrja Haxhiu ka theksuar se mbetet e përkushtuar në trajtimin e sfidave të agjencioneve dhe departamenteve dhe shtoi se do të bëhen përpjekje këmbëngulëse që shërbyesit civil të trajtohen në mënyrë të barabartë dhe që brenda këtij institucioni të vjen në shprehje drejtësia dhe meritokracia.
Ministrja Haxhiu u shoqërua nga Zëvendëssekretari i Ministrisë, Ardian Bajraktari. /InLjami/
