Kryetari i Partisë Socialdemokrate , Dardan Molliqaj, ka kritikuar ndaj përzgjedhjes së ministrave të Qeverisë Kurti, menjëherë pas votimit të kësaj qeverie me 67 vota për, 30 kundër dhe asnjë abstenim, përcjellë InLajmi.
Molliqaj ka thënë se sektori i ekonomisë do të përfaqësohet me njerëz me orientime të djathta ideologjike, duke konsistuar në Hekuran Muratin, Besnik Bislimin, Rozeta Hajdarin dhe Artane Rizvanollin.
Ai për Ministrin e ri të Punëve të Brendshme të legjislaturës së 8-të, Xhelal Sveçlën dhe Ministrin e Shëndetësisë, Arben Vitinë.
Postimi i plotë i tij:
Qeverisja e re: shkarkime e spektakël policor në vend të drejtësisë, ndihma në vend të barazisë
Sot u votua qeveria e re, rezultat i zgjedhjeve të 14 shkurtit. Analiza jone mbi kete qeveri eshte e bazuar mbi dy faktorë: premtimet programore që na flasin për orientimet, por edhe njerëzit që tregojnë për përgatitjen e performancën eventuale.
Ne shohim përputhje të plotë midis këtyre faktorëve. Qeverisja nuk e sheh si problem modelin ekonomik, por mosfunksionimin e tij. Prandaj, na duhen aty liberalë të pastër, mundësisht edhe me kulturë. Ekonomia do të udhëhiqet nga njerëzit e deklaruar publikisht sit ë djathtë. Ata janë Hekuran Murati, Besnik Bislimi, Rozeta Hajdari e Artane Rizvanolli. Pa ndërhyrje në sistemin tatimor dhe politika të rishpërndarjes, ata na thonë se rritja ekonomike dhe zhvillimi shoqëror janë të ndara. Pa sigurime shëndetësore e sistem të drejtë pensional, qeveria e re, ndihmat do t’i shesë si sistem të mirëqenies.
Shëndetësia do të drejtohet nga një ministër tejet i papërgjegjshëm. Arben Vitia kishte mbyllur Kosovën për mbrojtje nga pandemia, por në pikun e saj merr pjesë në një tubim prej 1000 personash. Sjellja e tij nuk i ngjan universalitetit të Hipokratit, por hileve të hipokritit.
Ministria e Brendshme do t’i besohet vaj medet Xhelal Sveçlës, kurse Ministria e Jashtme përmes Donika Gërvallës do ta personifikojë në mënyrë permanente skandalin diplomatik.
Prej ditës së sotme së paku nuk do të na thonë më mjaft e kritikuat opozitën, tash do të thonë pritni 1 vit, pastaj do të thonë 1 mandat është pak…
