Delegatët e Kuvendit Zgjedhor të LDK-së, kanë zgjedhur sot për kryetar të ri të këtij subjekti, Lumir Abdixhikun.
Abdixhiku ka arritur të marrë mbi 170 vota
Abdixhiku është 37-vjeçar, kryetari më i ri që e ka udhëhequr ndonjëherë LDK-në.
Ai zyrtarisht është pjesë e LDK-së prej vitit 2017 dhe është zgjedhur tri herë deputetë në tri palë zgjedhje. Në të fundit, ai mbante numrin 11 në listë, ndërsa doli i treti më i votuari.
Abidxhiku kishte kundërkandidat nënkryetarin e LDK-së Lutfi Hazirin dhe Besian Mustafën.
Në zgjedhjet e 14 shkurtit, LDK-ja ka dalë partia e tretë me 12.76 për qind të votave.
Pas rezultatit të shënuar, kryetari i LDK-së, Isa Mustafa e deklaroi dorëheqjen.
