Është raportuar në vazhdimësi se si qentë endacakë po paraqesin rrezik për qytetarët e Prishtinës.
Nuk kanë qenë as të pakta rastet kur qytetarët kanë raportuar se përveç frikës që ka ngjallur prezenca e tyre, ata edhe janë sulmuar nga këta qen.
Një rast i tillë ka ndodhur gjatë ditës së djeshme ku një vajzë 8-vjeçare në lagjen Veternik është sulmuar nga një qen, i cili dyshohet të ketë edhe pronar.
Siç mëson IndeksOnline rasti që ka ndodhur në “Lagjja jonë” është paraqitur në polici, ndërsa ndihma e shpejtë është paraqitur te viktima duke i ofruar ndihmën e nevojshme dhe trajtimin e plagës së marrë.
