Zyra e BE-së sot organizon një vizitë në shkollën “Naim Frashëri”, e cila së shpejti do të lidhet me rrjetin e ngrohjes qendrore të ofruar nga “Termokosi”.
Aktualisht janë duke u zhvilluar punime në vlerë prej 6- milionë eurosh në zëvendësimin e gypave ekzistues me qëllim të përmirësimit të cilësisë së furnizimit me ngrohje për konsumatorët ekzistues, si edhe për të zgjeruar furnizimin me ngrohje për klientët e rinj në Prishtinë.
Aktualisht janë në përfundim punimet për të lidhur lagjen “Kalabria”, kopshtin e fëmijëve “Buzëqeshja”, Fakultetin e Arkitekturës dhe Stacionin policor nr. 2.
Në lagjen “Dardania” janë zëvendësuar disa prej gypave dhe nënstacioneve të vjetra, ndërsa në “Bregun e diellit” pothuajse kanë përfunduar punimet në zëvendësimin e gypave për të përmirësuar cilësinë e furnizimit me ngrohje.
Vitin e ardhshëm punimet do të vazhdojnë me shtrirjen e rrjetit në lagjen “Mati”, shkruan indeksonline.
Sipas programit IPA 2015, Zyra e BE-së në Kosovë mbështet më tej zhvillimin e infrastrukturës energjetike në vend përmes përmirësimit të rrjetit të ngrohjes qendrore në Prishtinë, si edhe të impiantit të ri të ngrohjes me biomasë në Gjakovë, me vlerë prej gjithsej 21 milionë eurosh.
