Kryeministri në detyrë, Avdullah Hoti ka reaguar pas fitimit të 3 çmimeve të filmit “Zgjoi”, në “Sundance Film Festival”, përcjell InLajmi
Hoti është shprehur se kështu promovohet dhe nderohet shteti, dhe se edhe njëherë Kosova është në vëmendjen e opinionit ndërkombëtar.
Ai ka uruar autorët e krijimtarisë “Zgjoi” për suksesin e treguar me këtë film që pasqyron një ngjarje të vërtetë.
Postimi i plotë i tij:
Kështu promovohet e nderohet shteti!
3 çmime për filmin “Zgjoi” në “Sundance Film Festival”.
Edhe njëherë Kosova në vëmendjen e opinionit ndërkombëtar!
Filmi që trajton ngjarjen e vërtetë të Fahrije Hotit, gruas guximtare nga Krusha, që tashmë do të jetë e njohur edhe përtej Kosovës.
Kultura, arti e sporti po na bëjnë krenarë prandaj duhet të investojmë më shumë në këto fusha.
Urime për regjisoren Blerta Basholli, aktoren kryesore Yllka Gashi dhe gjithë ekipin e këtij filmi! /InLajmi/
