Edlira Luca bashkë me 2 shkencëtare të tjera kanë marrë Çmimin Vontobel për hulumtimet e tyre mbi moshën, rigjenerimin e muskujve, parkinsonin, mirëqenien në pleqëri.
Bashkëpunëtorja shkencore 40-vjeçare, në cilësinë e postdoktorantes punon në Klinikën për Endokrinologji, Diabetologji dhe Ushqim Klinik në Spitalin Universitar të Cyrihut.
“Nga fëmijët e lindur në Zvicër vitin e kaluar, 1 në 4 vajza dhe 1 në 7 djem ndoshta do të jenë në gjendje të festojnë 100 vjetorin e lindjes”, thotë Luca.
Ajo shpreson të japë një kontribut në mënyrën se si mund të ruhet forca e muskujve dhe kështu të sigurohet pavarësia në pleqëri.
“Nga mosha rreth 40 vjeçare, ne humbasim tetë për qind të muskujve skeletorë çdo dhjetë vjet”.
Ky fakt shkakton probleme në lëvizje dhe çon në aksidente që përfundojnë në qëndrim në spital, shkruan Albinfo.ch
“Është një nder i madh për mua të marr këtë çmim”, thotë Luca e gëzuar. “Ne kemi punuar në këtë ide për kaq shumë kohë dhe na është dashur të kapërcejmë kaq shumë pengesa”, ka thënë ajo.
