Ministri i Shëndetësisë Armend Zemaj ka vizituar në QKUK personat të cilët janë lënduar nga shpërthimi i bombolës së gazit në Feriza, ku më pas janë dërguar në QKUK, përcjell InLajmi.
Zemaj u ka uruar shërimë sa më të shpejtë të gjithë të lënduarve, dhe ka shprehur keqardhje përrastin i cili ka ndodhur, ndërkaq ka folur edhe rreth trajtimit të pacientëve.
“Të gjithë pacientët janë duke marrë trajtimin e duhur me të gjitha kapacitetet që ka Emergjenca edhe profilet tjera. Të gjithë janë angazhuar në trajtimin e tyre për shkak të djegieve të mëdha”.
“Ju shpreh shëndet dhe shërim sa më të shpejtë të gjithë të lënduarve, dhe familjeve të tyre sa më pak shqetësim. Të gjitha janë në duar të sigurta”, shtoi ai
Ndërkohë që mjeku kujdestar në emergjencë, Agron Çitaku në konferencën për media ka treguar për gjendjen shëndetësore të të lënduarve që janë duke u trajtuar në QKUK.
Çitaku tha se gjendja shëndetësore e 15 të lënduarve është mesatarisht e rëndë dhe se pesë persona janë duke u trajtuar në sallën operative. /InLajmi/.
