Bajram Gecaj, këshilltari politik i Ministrit të Punëve të Brendshme, Agim Veliu, ka reaguar pas qarkullimit të deklaratave të u.d. së presidentit, Vjosa Osmani, e cila në një studio televizive më 2017-ën deklaronte se karriera e saj polikë lidhej ngushtë me LDK-në, përcjell InLajmi.
“Fytyrë është kjo, e jo livadh”, ka shkruar Gecaj në reagimin e tij, teksa ka thënë se qëndrimet e tij nuk kanë luhatur tash e 30 vite.
Postimi i plotë i tij:
“FYTYRË ËSHTË KJO, E JO LIVADH!
“Në ditën që unë nuk jam në LDK, as nuk jam në politikë. Kaq.”
E “kaq” edhe sa i përket mbajtjes së premtimeve!
Sa ndjesi e mirë kur as një deklaratë timen nuk mund ta gjesh në kundërshtim me ndonjë tjetër … qëndroi prapa secilës deklaratë që kam dhënë tash e tridhjetë vite! Fytyrë është kjo, e jo livadh!
Vjosa Osmani: “Unë jam e bindur që një gjë e tillë nuk do të ndodhë më, përndryshe Vjosën nuk do ta shihni në politikë. Vjosa nuk do të merret më me politikë fare. Krejt karriera ime politike lidhet me LDK-në dhe do të lidhet vetëm me LDK-në, kurrë asnjëherë me ndonjë parti tjetër. Në ditën që unë nuk jam në LDK, as nuk jam në politikë. Kaq. Aty unë e përfundoj karrierën time politike. Nëse diçka e tillë do të ndodhte unë nuk do të merresha më fare me politikë”./InLajmi/
