Deputetja e AAK-së, Albena Reshitaj, e cila njëherësh është edhe kryetare e Komisionit Parlamentar për Shëndetësi, u ka ofruar mbështetje specializantëve të drejtimit Mjekësi e Përgjithshme, përcjell InLajmi.
Ajo ka ftuar aktorët politikë në vend që t’i sistemojnë specializantët në paga sa më shpejt.
Postimi i plotë i saj:
“Rreth 300 specializantë të drejtimit Mjekësi e Përgjithshme dhe mbi 300 specializantë nga drejtimi i Stomatologjisë janë duke pritur e shpresuar që pas kalimit të buxhetit të përfshihen në sistemin e pagesave të rregullta.
Si Kryetare e Komisionit Parlamentar për Shëndetësi i ftoj të gjithë akterët politikë që këta specializantë të përfshihen në planifikim buxhetor dhe të sistemohen në paga të rregullta sa më shpejtë.
AAK gjithmonë ka përkrahur dhe do të përkrah kërkesat e profesionistëve mjekësorë”./InLajmi/
