Ministri i Punëve të Jashtme në Serbi, Nikola Selakoviç tha se ekzistojnë dallime fare të vogla ndërmjet Administratës së radhës, asaj të demokratit Joe Biden, dhe Administratës aktuale Trump.
Selakoviç, pasi u pyet se çfarë lloj qëndrimi pret nga SHBA ndaj Serbisë pas zgjedhjes së Joseph Biden si President i Shteteve të Bashkuara, tha se ka dallime të vogla në qasje, deklaroi ai për Tanjug.
“Ne nuk duhet të çmendemi, qytetarët tanë kanë të drejtë të dinë se çfarë është e vërtetë. Ka dallime midis administratës së vjetër dhe asaj të re, të cilat janë pothuajse inekzistente ose janë reduktuar në nuanca”, transmeton lajmi.net.
Tutje, ai tha se qeverisja aktuale serbe e sheh çështjen e Kosovës me prioritet. Lidhur me dialogun, ai përfshiu edhe Rusinë, për të cilën tha se ofron mbështetje serioze.
