Zëdhënësi i PDK-së Avni Bytyqi mendon se shpejt mund të ketë zgjedhje të reja.
Ai këtu përmend deklaratat e fundit të kryetarit të AAK-së Ramush Haradinaj.
Ky i fundit tha se nuk i ka borxh PDK-së. “Z.Haradinaj na shanë nëpër studio, me vota tonat zero.
Është vështirë me pasur një marrëveshje politike me njeri që të shanë ty nëpër studio dhe të sulmon pabesisht dhe të shanë ty”, thotë Byqyqi në emisionin ‘DPT te Fidani’ në T7.
Ai thotë se pavarësisht se nuk e kanë liderin Kadri Veseli, nuk u frikësohen zgjedhjeve të reja, shkruan gazeta Express. “PDK ka trend të rritjes, jemi në vendin e dytë. PDK nuk ka arsye me iu frikësuar zgjedhjeve”, shtoi ai.
