Anëtari i Lidhjes Demokratike të Kosovës, Nexhmi Rudari pas dorëzimit të detyrës tek kryetari i ri i Podujevës, Shpejtim Bulliqi i ka falenderuar të gjithë përkrahësit e tij që e votuan në ditën e zgjedhjeve, përcjell InLajmi.
Rudari tha se sot bëri dorëzimin e detyrës së kryetarit të komunës, pas rezultatit të zgjedhjeve të 29 nëntorit.
Ai tha se edhe pse humbi zgjedhjet për kryetar të Podujevës nuk do të thotë se humbi edhe luftën.
Humbja e një beteje nuk do të thotë edhe humbje e luftës.
Vazhdojmë bashkë edhe më fuqishëm për betejat e ardhshme
Postimi i plotë i tij:
Të dashur qytetarë,
Të nderuar aktivist dhe simpatizantë të LDK,
Sot bëra dorëzimin e detyrës së kryetarit të komunës, pas rezultatit të zgjedhjeve të 29 nëntorit.
Ju falënderoj të gjithëve për mbështetjen që më keni dhënë gjatë gjithë këtij procesi. Po ashtu falënderoj të gjithë bashkëpunëtorët e mi për angazhimin dhe përkushtimin e dëshmuar në shërbim të të gjithë qytetarëve pa dallim.
Humbja e një beteje nuk do të thotë edhe humbje e luftës.
Vazhdojmë bashkë edhe më fuqishëm për betejat e ardhshme.
Në rrespekt,
Nexhmi Rudari./InLajmi/
