U.d i detyrës së shefit të Grupit Parlamentar të Lëvizjes Vetëvendosje, Liburn Aliu, ka thënë se Lidhja Demokratike e Kosovës dhe Partia Demokratike e Kosovës janë të njëjta dhe i bashkojnë forcat në momentet kritike ,raporton InLajmi.
“Që të dyja janë të njëjta dhe janë bashkë në momentet kritike. Kush cilën e ka bërë si veten a e ka bë LDK-ja PDK-në si veten apo anasjelltas”, ka thënë Aliu.
Aliu ka shtuar se PDK-ja dhe LDK janë bërë së bashku për ta rrëzuar Qeverinën Kurti e njësoj edhe kur ishte puna tek buxheti.
“Skena politike në Kosovë është duke u diferencua, kemi LVV-në një anë dhe të gjithë të tjerët në anën tjetër. Ju mund të jeni bashkë edhe pak, mund të vazhdoni t’i bëni dëme këtij vendi bashkë edhe pak. U bëtë bashkë me rrëzua Qeverinë Kurti, edhe kur ke puna te buxheti…”, tha Aliu.
Poashtu Aliu tha se nuk e votojnë Projektligjin për Rimëkëmbjen Ekonmike.
“Parimisht nuk do të duhej të vinte puna që për kaq pak kohë të ndodhte një gjë e tillë përmes shmangies. Pra jemi kundër që të sillet ky projektligj kësisoji me shmangie e me këto dokumente të ardhura vonë. Dhe në këtë votim ne nuk marrim pjesë” /InLajmi/
