Lajmi për emërimin e Flakron Shalës si konsull në Pragë u bë mollë sherri për shkarkimin e disa konsujve. U.d. Presidentja, dr. Vjosa Osmani-Sadriu shfuqizoi katër dekrete për konsuj të përgjithshëm, konkretisht konsujt e përgjithshëm në Pragë, Lubjanë, Shkup dhe Tiranë. E sot disa orë pas shkarkimit ka reaguar Lindon Kqira i cili ka qenë konsull i përgjithshëm në Shkup. Ai këtë vendim e konsideron arbitrar dhe ka deklaruar se nuk do e njoh e as nuk do e përfillë, përcjell InLajmi.
Nuk e njoh vendimin arbitrar dhe politik të u.d.Osmani !
Me vetëdije dhe përgjegjësi të plotë, deklaroj se nuk e njoh dhe as nuk e perfilli vendimin për shkarkimin tim, nga pozita e Konsullit-Ministrit Këshilltar, në Ambasadën e Republikës së Kosovës, në Shkup, nga zonja Vjosa Osmani, kryetare e Kuvendit të Kosovës dhe u.d. Presidentit të Republikës së Kosovës.
Më tutje ai ka thënë se vendimi i saj është tedencioz e përçarës dhe mbi të gjitha e ka konsideruar antikushtetues.
Ky vendim në rradhë të parë është tendencioz, arbitrar, vendim politik dhe përçarës, e mbi të gjitha është antikushtetues, ka shkruar ai.
Poashtu Lindoni thotë se që nga ardhja e Osmanit në krye të kuvendit legjislatura e saj është konsideruar legjislatura më e dështuar e Kosovës.
Ai në fund të njoftimit të tij, të cilin e ka postuar në Facebook ka thënë se vendimi i Osmanit për shkarkimin e tij është në kundërshtim me nenin 84 të Kushtetuës së Republikës së Kosovës dhe ky vendim vendim është marrur pa konsultim paraprak me MPJD. Ai poashtu ka shtuar se do ta vazhdojë punën e tij si konsull në Shkup dhe se ata të cilër e zbatojnë urdhërin e saj thyejnë Kushtetutën. Ai gjithashtu paralajmëroi se do të ndjekin rrugë ligjore ndaj Osmanit.
Vendimi i Ushtrueses së Detyrës së Presidentit të Republikës së Kosovës për shkarkimin tim, për mendimin tim është nxjerrë në kundërshtim me nenin 84 të Kushtëtutes së Republikës së Kosovës, ngase znj, Osmani këtë vendim e ka marrë pa konsultim paraprak me MPJD dhe Qeverinë e Republikës së Kosovës. Në këto rrethana, kushdo që bënë përpjekje ta zbatoj këtë vendim të njëanshëm, përfshihet në shkelje Kushtetuese. Veprimet e mia karshi këtij vendimi, do të jenë në përputhje me dispozitat ligjore dhe Kushtetutën e Republikës së Kosovës dhe paralajmëroj se kundër këtij vendimi arbitrar të kryekuvendares, Osmani, do ta ndjekim rrugën ligjore, ndërsa unë do të vazhdoj normalisht punën dhe angazhimet ditore në Ambasadën e Republikës së Kosovës në Shkup.
Postimi i plotë i tij pa ndërhyrje:
Shkup,26 Nentor 2020
Deklaratë për opinion
Nuk e njoh vendimin arbitrar dhe politik të u.d.Osmani !
Me vetëdije dhe përgjegjësi të plotë, deklaroj se nuk njoh dhe as nuk e perfilli vendimin për shkarkimin tim, nga pozita e Konsullit-Ministrit Këshilltar, në Ambasadën e Republikës së Kosovës, në Shkup, nga zonja Vjosa Osmani, kryetare e Kuvendit të Kosovës dhe u.d. Presidentit të Republikës së Kosovës.Ky vendim në rradhë të parë është tendencioz, arbitrar, vendim politik dhe përçarës, e mbi të gjitha është antikushtetues dhe i pa presedan në diplomacinë e Kosovës. Zonja Osmani do duhej të merrej me punën e Kuvendit të Kosovës, i cili që nga ardhja e saj në krye të këtij kuvendi, në mënyrë aksidentale, ështe e vlerësuar si legjislatura më e dështuar e Kosovës nga themelimi i Kuvendit të Kosovës e deri më sot. Neglizhenca e situatës me pandeminë globale, kriza ekonomike, aprovimi i Ligjit për Rimëkëmbjen Ekonomike dhe një varg ligjesh tjera jetike për qytetarët e Kosovës do duhej të ishin në agjendën e saj dhe jo shkarkimet arbitrare, antikushtetuese me qëllim të destabilizimit politik dhe futjes së hutisë në shërbimin diplomatik të Kosovës, në Shkup dhe kudo, për qëllime hakmarreje dhe të profiterizmit politik. Vendimi i Ushtrueses së Detyrës së Presidentit të Republikës së Kosovës për shkarkimin tim, për mendimin tim është nxjerrë në kundërshtim me nenin 84 të Kushtëtutes së Republikës së Kosovës, ngase znj, Osmani këtë vendim e ka marrë pa konsultim paraprak me MPJD dhe Qeverinë e Republikës së Kosovës. Në këto rrethana, kushdo që bënë përpjekje me zbatue këtë vendim të njëanshëm, përfshihet në shkelje Kushtetuese. Veprimet e mia karshi këtij vendimi, do të jenë në përputhje me dispozitat ligjore dhe Kushtetutën e Republikës së Kosovës dhe paralajmroj se kundër këtijë vendimi arbitrar të kryekuvendares, Osmani, do ta ndjekim rrugën ligjore, ndërsa unë do të vazhdoj normalisht punën dhe angazhimet ditore në Ambasadën e Republikës së Kosovës në Shkup.
Lindon Kqira, Konsull i Përgjithshëm-Ministër Këshilltar
Ambasada e Republikës së Kosovës në Shkup./InLajmi/
